Аферата броило значи само едно – трговија со влијание, преку злосторничко здружување во Соларен Картел.
Фирми основани од Димитар Ковачевски и негови семејни врски вртат милионски суми во енергетскиот бизнис, додека Македонија е на колена, а народот осиромашен се бори секок ден да преживее.
Аферата Броило ќе покаже како Ковачевски и една тесна клика се здружиле во картел кој печали и добива лична корист.
Пиксел груп – фирмата на Ковачевски и неговиот кум Паунов, заедно со фирмата КМГ ЕОЛ Квазар, фирма само на Паунов, се вмешани во бизниси во вредност од 26 милиони евра!
Во Соларниот Картел, Ковачевски и Паунов, по основањето на Пиксел груп, во 2018 година градат фабрика за производство на фотоволтаични панели во Кочани.
Фирмата станува централна во бизнисот, околу која се вртат 26 милиони евра. Аферата БРОИЛО е шема која покажува како преку Пиксел груп и фирмата КМГ ЕОЛ Квазар Соларниот Картел ги свртеле парите
Само од државни тендери во изминативе неколку години овие фирми инкасирале 1.8 милиони евра.
Во 2021 година, кога Димитар Ковачевски е заменик министер за финансии, КМГ ЕОЛ Квазар склучува договор со ЕВН, врз која сега Ковачевски како премиер има мандатна сопственост преку државниот удел, за изведба на работи и испорака на фотоволтаични панели, во вредност од над 2 милиони евра.
Аферата броило зазема димензии од десетици милиони евра, кога пред месец и половина, Пиксел груп најави дека влегува во фаза на инвестиција во фабрика за производство на соларни панели во индустриската зона во Тетово, во вредност од 54 милиони евра.
Фирмата е регистрирана под името АЕ Солар АД Тетово, како заедничка на Пиксел груп поседува 40%, и 60% поседува фирма од Бугарија. Горанчо Паунов, кумот на премиерот Димитар Ковачевски веќе е поставен како еден од двајцата извршни директори на АЕ Солар АД Тетово. Инвестицијата на Пиксел груп треба да биде 21.6 милиони евра, соодветно на процентот на учество.
Со тоа, Ковачевски како премиер, ќе му потпише договор на кумот за државна помош, на Горанчо Паунов како извршен директор на фирмата, во која 40% од сопственоста е на Пиксел груп, основана заедно со Ковачевски!
И сето ова се случува во период откако друга бугарска фирма најави инвестиција во ФЕЦ Осломеј, каде државата е партнер со 18.5%. А за која инвестиција бугарската фирма партнер на Пиксел груп се пофали на нивната интернет страница. Па оттука се поставува прашањето дали панелите произведени во фабриката во Тетово ќе завршат во ФЕЦ Осломеј, каде државата е застапена со 18.5%? И каква е улогата на Ковачевски кој се јавува како основач на фирмата која е во кругот на бизнис интересите од оваа шема, но сега и како премиер?
И второт дали со фабриката во Тетово, во која Пиксел груп основана од Ковачевски е сопственик ќе се монополизира пазарот на производство и продажба на фотоволтаични панели?
Сето ова се случува во услови кога постојано се најавуваат нови поскапувања на електричната енергија како за граѓаните, така и за бизнисот. А наместо инвестиции во секторот се девастира РЕК и се промовираат соларна енергија.
Во наредниот период целосно ќе откриеме како во аферата броило фирми блиски до Ковачевски стигнале да свртат 26 милиони евра.
Извор:
ВМРО ДПММЕ без фракции
01.10.22