МИЛЕНКО ШОУ, НАЈДОБРОТО НА ЦЕЛА ПЛАНЕТА

Според гласањето спроведено во целиот свет, значи на ЦЕЛАТА ЗЕМЈИНА ТОПКА, емисијата МИЛЕНКО НЕДЕЛКОВСКИ ШОУ, кога во неа гостуваше британецот ДЕЈВ МАРФИ, е прогласена за НАЈДОБРО ИНТЕРВЈУ НА ЦЕЛИОТ СВЕТ на тематика “Рамна земја“.

Јас знам дека никој во СФРЈугославија, освен мене, не направи интервју со Аиртон Сена, ама и со Нелсон Пике, Најџел Мансел, Френк Вилјамс, Алан Џонс, Алесандро Нанини… Знам и дека никој жив од Македонија не успеал да се приближи, а камо ли да направи интервју со Александар Дугин, Жан Мари Ле Пен… Знам и дека никој од Македонија немал интервју со Бутрос Бутрос Гали, а и дека последното интервју на светот што го дал е тоа на мене и мојата емисија.

Знам и дека ова е многу егоцентрично. Да е. Ама е и вистинито.

Ама морам да признам, дека оваа награда, НАЈГЛЕДАНО ИНТЕРВЈУ НА ЦЕЛ СВЕТ во врска со темата РАМНА ЗЕМЈА, е трофеј над трофеите.

Flat Earth Society e најбрзорастечко “друштво“ на светот. Кој влегол да чита и истражува, не излегол од таа спирала која води до финалната вистина.

Мене ми е јасно, дека во Македонија се можат да ти простат, освен усшех, ама ете… Ме сакале или не, ме следеле или не – тоа ви е.

Најдобар на свет. Молим лепо.